Elskum alla, nema hvíta karla

Páll Óskar byrjaði vel með gleðiboðskap um stuðning við kúgaða þjóðfélagshópa.  Svo tók hann einn hóp út fyrir sviga, hvíta gagnkynhneigða karla, sem eru rót margs ills að hans sögn.

Af hverju ást til allra, en hatur til hvítra karla? Vissulega má finna ofstopamenn meðal hvítra karla. Það að gera allan kynþáttinn ábyrgan fyrir litlum hópi yfirgangsmanna er á sama plani og að gera heilu trúflokkana ábyrga fyrir hryðjuverkamönnum meðal þeirra, eða þjóðir og kynþætti fyrir glæpamönnum í þeirra hópi.  Það er grunnur kynþáttahaturs að finna "stereotypur"  fyrir einstaka hópa og hatast við þá ímynd og allan hópinn. Það er kynþáttahatur, hvort sem það beinist að múslimum, Litháum, svertingjum, hommum eða hvítum körlum. Það er enginn undantekning.

 Bestu kveðjur, Einar Stefánsson

 

Mikil umræða um orð Páls Óskars

Athugasemdir

[Ra (IP-tala skráð) 8.8.2011 kl. 11:32]

Alveg 100% sammála.

[Maynard (IP-tala skráð) 8.8.2011 kl. 14:30]

Ég held að þið þurfið báðir að lesa aftur það sem að Páll Óskar sagði, hann talaði ekki um alla hvíta gagnkynhneigða karlmenn, bara þann hóp sem að fellur undir; "[...] hvítur straight karlmaður í jakkafötum, hægrisinnaður og á peninga. Og stundum er þessi karlmaður með Biblíuna í annarri hendi og byssuna í hinni."

Auk þess talaði hann ekki illa um þennan hóp karlmanna, bara að það virtist oft eins og þeir væru stikkfríir í samfélaginu á meðan þeir skíta yfir allt og alla sem eru ekki eins og þeir.

Svo taka þeir þetta bara til sín sem eiga, merkilegt að þið hafið báðir gert það.